ടോസിൽ കൃത്രിമത്വം നടക്കുന്നത് ഇങ്ങനെയാണ്; കമ്മിൻസിനോട് വിശദീകരിച്ച് ഫാഫ് ഡു പ്ലെസിസ്

ബെംഗളൂരു: ഐപിഎല്ലിൽ ദിവസങ്ങൾക്ക് മുമ്പാണ് റോയൽ ചലഞ്ചേഴ്സ് ബെംഗളൂരുവും മുംബൈ ഇന്ത്യൻസും മത്സരിച്ചത്. പിന്നാലെ മത്സരത്തിന്റെ ടോസിൽ കൃത്രിമത്വം നടത്തിയെന്ന വാദമാണ് സമൂഹമാധ്യമങ്ങളിൽ ഉയർന്നത്. എന്നാൽ ഈ വാദങ്ങൾ തെറ്റെന്ന് കൂടുതൽ കൃത്യമായ ദൃശ്യങ്ങൾ സഹിതം മറ്റൊരു കൂട്ടം ആരാധർ വാദിച്ചിരുന്നു. എന്നാൽ ഇന്നലെ നടന്ന മത്സരത്തിന് മുമ്പായി അന്നത്തെ മത്സരത്തിൽ ടോസിട്ട രീതി ബെംഗളൂരു നായകൻ ഫാഫ് ഡു പ്ലെസിസ് വിശദീകരിച്ചു.

സൺറൈസേഴ്സ് നായകൻ പാറ്റ് കമ്മിൻസ് ഈ വാക്കുകൾ കേൾക്കുന്നതായും കാണാം. ഈ ദൃശ്യങ്ങൾക്ക് ശബ്ദമില്ലാത്തതിനാൽ ഇരുവരും പറയുന്നതെന്തെന്ന് വ്യക്തമല്ല. എങ്കിലും ഇരുവരും സംസാരിക്കുന്നത് ടോസിലെ കൃത്രിമത്വത്തെക്കുറിച്ചാണെന്നാണ് സമൂഹമാധ്യമങ്ങളിൽ ഉയരുന്ന വാദം.

'വേദന, നിരാശ, രോഷം, വിരാട് കോഹ്ലിയെ കാണുമ്പോൾ'; ആരാധകർ പറയുന്നു

'ബാറ്റർമാർ നന്നായി കളിച്ചു, തിരിച്ചുവരും'; പ്രതീക്ഷയോടെ ഫാഫ് ഡു പ്ലെസിസ്

മത്സരത്തിൽ ടോസ് നേടിയ ബെംഗളൂരു നായകൻ ഫാഫ് ഡു പ്ലെസി സൺറൈസേഴ്സിനെ ബാറ്റിംഗിനയച്ചു. മൂന്നിന് 287 എന്ന റെക്കോർഡ് ടോട്ടൽ ഉയർത്താൻ സൺറൈസേഴ്സിന് കഴിഞ്ഞു. ഏഴിന് 272 റൺസായിരുന്നു റോയൽ ചലഞ്ചേഴ്സിന്റെ മറുപടി.